Siem Mandalo Mosekalo

Jehova ok nowee jomaricho oketh Paradis. Osiepene kende ema nodag kanyo. Ang’o mabiro timore ne jomaricho? Mondo ing’e, parie wach mar adier mar Noa. Noa nodak higni tara mang’eny mosekalo. Ne en ng’at maber mane temo pile timo dwach Jehova. To jomoko manenitie e piny ne timo timbe maricho. Omiyo Jehova ne onyiso Noa ni obiro kelo ataro mondo oketh jo maricho duto. Nonyiso Noa mondo oger yie mondo en kod joode kik gi tho ka Ataro biro.—Chakruok 6:9-18.

Noa gi joode nogero yie. Noa ne osiemo ji ni Ataro biro, to ok ne gi winje. Ne gimedo timo timbe maricho. Kane osetieko gero yie, Noa notero le e yie, kendo en kod joode ne gidonjo e yie. Eka Jehova nokelo kodh yamo maduong’. Koth nochwe ndalo 40 godiechieng’ gotieno. Pi nolokore ataro e piny mangima.​—Chakruok 7:7-12.

Jomaricho notho, to Noa gi joode nokwo. Jehova ne okelogi maber ewi Ataro nyaka e piny maonge gi timbe maricho. (Chakruok 7:22, 23) Muma wacho ni ndalo biro ma Jehova kendo biro ketho joma tamore timo timbe makare. Jomabeyo ok nokethi. Gini dag nyaka chieng’ e piny mar Paradis.​—2 Petro 2:5, 6, 9.

Endalogi ji mang’eny timo timbe maricho. Piny opong’ gi chandruok. Jehova oro Joneno mage pile ka pile mondo osiem ji, to ng’enygi ok dwar winjo weche Jehova. Ok gi dwar loko yore gi. Ok gi dwar yie gi gima Nyasaye wacho kuom gino marach gi maber. Ang’o mabiro timore ni jogi? Bende ginilokre chieng’ moro? Ji mang’eny ok nolokre ngang’. Ndalo biro ma nokethi jomaricho to ok ne gidagi kendo.—Zaburi 92:7.

Piny ok nokethi; ibiro lose obed paradis. Jomabedo osiepe Nyasaye biro dak nyaka chieng’ e Paradis e piny.​—Zaburi 37:29.