Wasik Nyasaye Gin Ng’a?

Jasik Nyasaye Maduong’ chuth en Satan ma Jachien. En chwech mar roho mane oweyo chik Jehova. Satan dhi nyime gi kedo gi Nyasaye kendo kelo chandruok maduong’ ni dhano. Satan rach. En jamiriambo kendo janek.​—Johana 8:44.

Chwech mag roho mamoko ne oriwore gi Satan e weyo chik Nyasaye. Muma lwongogi ni jochiende. Kaka Satan, jochiende bende gin wasik dhano. Gihero hinyo ji. (Mathayo 9:32, 33; 12:22) Jehova biro ketho Satan gi jochiendene nyakachieng’. Gidong’ gi ndalo matin kende mar kelo chandruok ni dhano.​—Fweny 12:12.

Kidwaro bedo osiep Nyasaye, kik itim dwach Satan. Satan gi jochiende ochayo Jehova. Gin wasik Nyasaye, kendo gi dwaro loki mondo ibed jasik Nyasaye. Nyaka iyier ng’ama idwaro moro​—Satan kata Jehova. Ka idwaro ngima ma nyakachieng’, nyaka iyier timo dwach Nyasaye. Satan nigi rieko gi yore mang’eny mowuondo go ji. Owuondo ji mang’eny.​—Fweny 12:9.