SOMO MAR 14

Osiepe Nyasaye Ok Tim Timbe Maricho

Satan temo ji mondo gitim timbe maricho. Ng’at madwaro bedo osiep Nyasaye ok onego tim gik ma Nyasaye ok dwar. (Zaburi 97:10) Ne gik mamoko ma osiepe Nyasaye ok tim.

Gik ma Jehova osin-go gin kaka richo mag terruok, mer, golo ich, kuo, miriambo, mirima mokalo tong’ kod tuke mag loyo mich kuom hawi

Richo mag terruok. “Kik iteriri.” (Wuok 20:14) Terruok ka pok ikendo kata ka pok okendi rach.—1 Jo Korintho 6:18.

Mer. ‘Jomer ok nocham gik pinyruodh Nyasaye.’—1 Jo Korintho 6:10.

Nek, Golo Ich. “Kik inek.”—Wuok 20:13.

Kuo. “Kik ikwal.”—Wuok 20:15.

Miriambo. Jehova ok ohero ‘lep mariasore.’—Ngeche 6:17.

Tim Mager gi Mirima Malich. ‘Chuny Jehova osin kod ng’a mohero tim mager.’ (Zaburi 11:5) “Tim mag ringruok [oriwo] . . . mirima.”—Jo Galatia 5:19, 20.

Goyo Kora. “Kik uwuothi kod . . . jagombo.”—1 Jo Korintho 5:11.

Sigu mag Oganda. “Heruru wasiku, kendo lamuru ni jo ma sandou.”—Mathayo 5:43, 44.

Gik ma Nyasaye nyisowa konyowa. Ok yot pile mondo kik itim timbe maricho. Kwom kony mar Jehova kod kony mar Joneno mage, inyalo weyo timo timbe ma ok mor Nyasaye.—Isaiah 48:17; Jo Filipi 4:13; Jo Hibrania 10:24, 25.