KARE MAR 8

Tho mar Yesu Konyi Nade?

Yesu notho mondo wayud ngima. Johana 3:16

Odiechienge adek bang’ tho Yesu, mon moko ne odhi e liende, ma giyudo ka liel ni nono. Jehova nosechiero Yesu a kuom jo motho.

Yesu fwenyore ne jopuonjrege, kendo bang’e odhi e polo

Bang’e Yesu nofwenyore ne jootene.

Ee, Jehova nosechiero Yesu kaka malaika ma nigi teko kendo maok nyal tho. Jopuonjre Yesu ne onene ka odhi malo e polo.

Nyasaye nochiero Yesu kendo nokete obedo Ruoth mar Pinyruodh Nyasaye. Daniel 7:13, 14

Yesu locho e wi joma nie paradiso e piny, ka en ruoth e Pinyruodh Nyasaye

Yesu nochiwo ngimane mondo ochul rawar ne dhano. (Mathayo 20:28) Nyasaye miyowa geno mar dak nyaka chieng’ kokalo kuom rawarno.

Jehova noketo Yesu obed Ruoth mabiro locho e wi piny. Joma biro locho kode e polo gin ji ma nochung’ motegno 144,000, mibiro chier koa e piny. Yesu kaachiel gi jogi 144,000, loso sirkal makare mar polo—Pinyruodh Nyasaye.—Fweny 14:1-3.

Pinyruodh Nyasaye biro loso piny obed paradis. Lweny, mahundu, dhier, koda kech ok bi betie kendo. Ji biro bedo mamor gadier.—Zaburi 145:16.