Ohinga mar Jarito LAIBRARI E INTANET
ohinga mar jarito
LAIBRARI E INTANET
Dholuo
  • MUMA
  • BUGE
  • MIKUTANO
  • lfb somo 36 ite mar 88-ite mar 89 par. 1
  • Jeftha Osingore ne Jehova

Hakuna video yoyote kwa sasa.

Samahani, haikuwezekana kupakia video.

  • Jeftha Osingore ne Jehova
  • Weche Minyalo Puonjori e Muma
  • Habari Zinazolingana
  • Singruok mar Jeftha
    Buga Moting’o Sigendini mag Muma
  • Nomoro Wuon-gi kod Jehova Bende
    Puonj Nyithindi
  • Luwo Chike Nyasaye Miyo Oyie Kodwa
    Ohinga mar Jarito ma Lando Wach Pinyruoth (Mar Puonjruok)—2016
  • Jeftha Noketo Pache Duto e Weche Jehova
    Ngimawa kod Tijwa Kaka Jokristo—Chenro mar Chokruok—2021
Pata Habari Zaidi
Weche Minyalo Puonjori e Muma
lfb somo 36 ite mar 88-ite mar 89 par. 1
Jeftha yiecho lepe sama oneno nyare ka biro romone

SULA MAR 36

Jeftha Osingore ne Jehova

Jo-Israel ne oweyo lamo Jehova kendo, mi gichako lamo nyiseche manono. Ka ne Jo-Amon omonjo Jo-Israel, nyisechegi manonogo ne ok okonyogi kata matin. Jo-Israel ne osandore kuom higni mang’eny. Nochopo kama ne gikwayo Jehova niya: ‘Wasetimo gik maricho mathoth e nyimi. Yie ireswa kuom jowasikwa.’ Jo-Israel ne oketho sanamu maggi, kendo ne gichako lamo Jehova. Jehova ne ok mor koneno Jo-Israel ka dhi nyime sandore kamano.

Ne oyier jalweny moro ma nyinge Jeftha mondo ota jolweny mamoko e kedo gi Jo-Amon. Jeftha ne osingore ne Jehova kama: ‘Ka ikonyowa loyo lwenyni, abiro chiwoni ng’at mokwongo romona sama aduogo dala.’ Jehova ne owinjo kwayo mar Jeftha, kendo nokonye loyo lweny.

Ka ne Jeftha oduogo koa e lweny, ng’at ma nokwongo wuok mondo oromne ne en nyare achiel kende. Noringo kochomo ir wuon-gi komiel, kendo kogoyo oyieke. Jeftha ne dhi timo nang’o? Jeftha ne oparo gima nosingo ne Jehova. Nowacho kama: ‘Mayoo nyara! Inyoso chunya, nyathina. Nitie gima ne asingo ne Jehova. Nikech mano, biro chuno ni achiwi idhi iti Shilo e hema mar lamo.’ Kata kamano, nyare ne onyise niya: ‘Baba, ka isingori ne Jehova, nyaka ichop singono. An mana gi kwayo achiel kende: Yiena mondo adhi e gode gi osiepena ma nyiri kuom dweche ariyo kende. Kae to abiro dhi Shilo.’ Nyar Jeftha ne otiyo gi chunye duto e hema mar lamo kuom ngimane duto. Higa ka higa, osiepene ne dhiga lime Shilo.

Osiepe nyar Jeftha obiro lime e hema mar lamo

“Ng’at mohero wuode kata nyare moloya, ok owinjore koda.”​—Mathayo 10:37

Penjo: En singo mane ma Jeftha ne otimo? Nyar Jeftha ne otimo ang’o ka nofwenyo gima wuon-gi nosingo ne Jehova?

Jong’ad Bura 10:6–11:11; 11:29-40; 1 Samuel 12:10, 11

    Buge mag Dholuo (1993-2025)
    Toka
    Ingia
    • Dholuo
    • Shiriki
    • Kaka Daher
    • Copyright © 2025 Watch Tower Bible and Tract Society of Pennsylvania
    • Chikewa
    • Rito Weche
    • Mpangilio wa Faragha
    • JW.ORG
    • Ingia
    Shiriki