Weche Michakogo Kare mar 5

Dweche ariyo bang’ ka Jo-Israel noseng’ado Nam Makwar, ne gichopo e Got Sinai. Ka gin kanyo, Jehova notimo singruok kodgi mondo gibed ogandane makende. Ne oritogi maber kendo nomiyogi gik ma ne ginyalo konyorego, kaka manna, lewni ma ne ok ti, to gi kuonde dak. Ka in janyuol, kony nyathini mondo one gimomiyo Jehova ne oketo ne Jo-Israel chenro mar bedo gi Chike, hema mar lamo, kod jodolo. Jiw gimomiyo dwarore ni watim gik ma wasingo, wabolre, kendo wamakre gi Jehova.