Warit Chunywa

1. Warit chunywa, en ngimawa;

Wakwed yore richo.

Nyasaye ng’eyo chuny dhano,

Dhano ma iye te.

Chunywa nyalo wuondo pachwa,

Wachako rwenyo yo.

Wawe pachwa ota chunywa,

Waluw yor Jehova.

2. Waikre wamany Nyasaye;

Walame gi kinda.

Wapake pile wanyise;

Gigo machandowa.

Gik ma Jehova puonjowa

Owinjore waluw.

Wagene gi chunywa duto,

Wamiye mor pile.

3. Watem kik wapar maricho;

Wapar gik ma adier.

Wach Nyasaye omul chunywa,

Mondo otegwa chuth.

Wanyalo geno Jehova;

Ohero jotichne.

Koro walame nyakachieng’,

Wamak osiep kode.