Winjo Tiend Weche Mokor e Bug Ezekiel

TIEND WECHE MOKOR

E Muma, wach motigo e dho Hibrania ni na·vaʼ itiyogo kiwuoyo kuom “koro wach,” to tiende en wacho ote mowuok kuom Nyasaye, kum, puonj, kata chik moro. Bende, inyalo ti kode kiwuoyo kuom gima biro timore e kinde ma biro. Weche ma ne Ezekiel okoro oting’o gigo duto.​—Eze. 3:10, 11; 11:4-8; 14:6, 7; 37:9, 10; 38:1-4.

KAKA NE ICHIWO WECHE MOKORGO

• 

  FWENY

• 

  RANYISI

• 

  RANYISI MITIMO ACHIEL KACHIEL

Bug Ezekiel oting’o fweny, ranyisi, kod ngeche, ma wuoyo e wi weche mokor.

KAKA WECHE MOKORGO NOCHOPO

Nitie weche ma Ezekiel nokoro ma nochopo e kindene, kendo ne gidhi timore bang’e. Kuom ranyisi, weche ma nokor e wi duoko lamo madier nochako chopo e kinde ma jotich Nyasaye nodak e Piny Manosingi. Kata kamano, mana kaka ilero e Sula mar 9 mar bugni, thoth weche ma nokor e wi duoko lamo madier chopo e kindegi kendo gibiro chopo e kinde ma biro.

E kinde mokalo, wasebedo ka waparo ni thoth weche ma Ezekiel nokoro ochung’ ne gimoro sie. Kata kamano, bugni ok ler ni ng’ato, gimoro, kamoro, kata gimoro ma notimore ochung’ ne gimoro e kindegi, mak mana ka Ndiko owacho achiel kachiel.a Kar mano, bugni biro nyisowa kaka thoth weche ma Ezekiel nokoro biro chopo e okang’ malach. Bende, obiro konyowa nono puonj ma wanyalo yudo e wi ote ma ne omi Ezekiel, joma nowuoyo kuomgi, kuonde ma nowuoye, kaachiel gi gik ma notimore.