Bed gi Horuok

Gima Yesu Notimo

VIDIO: Yesu Hore Sama Okonyo Owadgi

1. Ne VIDIO, kata isom Johana 7:3-5 gi 1 Jo-Korintho 15:3, 4, 7. Bang’ mano, non penjo ma luwogi:

1. Owete Yesu nokwongo rwako nade wach ma nolando?

2. Ang’o ma nyiso ni Yesu ne ok ojok gi owadgi ma Jakobo?

Ang’o ma Wapuonjore Kuom Yesu?

2. Onego wahore nikech jomoko kawoga thuolo malach eka girwak wach maber ma walandonegi.

Luw Ranyisi mar Yesu

3. Tem tiyo gi yore mopogore opogore sama ilendo. Ka ng’ato ok oyie puonjore Muma mapiyo, kik ichune. E kinde mowinjore, inyalo tiyo gi vidio kata sula moko e konye ng’eyo gima timorega e puonjruok Muma, kod kaka onyalo yudo ber ka opuonjre Muma.

4. Kik ipime gi jomamoko. Ji opogore. Ka po ni achiel kuom joodu kata ng’at ma idok limo ok dwar puonjore Muma kata yie gi puonj moro mar Muma, inyalo nono gimomiyo ok odwar. Be dibed ni nitie puonj moro mar din ma omakorego? Koso dibed ni wedene kod jirendene kwede? Miye thuolo mar paro matut e wi gima uwuoye mondo omed neno ber mag puonj mag Muma.

5. Lem ne ng’at morwako wachno. Kwa Jehova mondo okonyi bedo gi paro mowinjore kendo tiyo gi rieko. Kwa Jehova mondo okonyi ng’eyo kinde ma onego iwe dok limo ng’at ma ng’ich ng’ich.—1 Kor. 9:26.