Dew Jomamoko

Gima Yesu Notimo

VIDIO: Yesu gi Dhako ma Noromogo e Dho Soko

1. Ne VIDIO, kata isom Johana 4:6-9. Bang’ mano, non penjo ma luwogi:

1. Ang’o ma Yesu noneno kuom dhakono ka pok nochako wuoyo kode?

2. Yesu nowacho niya: “Miya ane pi amodhi.” Ang’o momiyo mano ne en yo maber mar chako mbaka?

Ang’o ma Wapuonjore Kuom Yesu?

2. Wanyalo bedo gi mbaka maber ka wachako wuoyo e wi gik ma nyalo moro ng’ato.

Luw Ranyisi mar Yesu

3. Ikri timo lokruok. Ok ochuno ni iti gi weche ma ne iseiko chon. Chak wuoyo e wi gima nie pach ji e kindegi. Penjri niya:

1. ‘Ang’o ma oland e gige fwambo gi keyo?’

2. ‘Ang’o ma jirendena, joma atiyogo, kata joskul wetena wuoye?’

4. Yaw wang’i. Penjri niya:

1. ‘Ang’o ma ng’atno timo? Nyalo bedo ni oparo ang’o?’

2. ‘Lewni morwako, kaka ochal, kod kaka ode chalo nyisa ang’o e wi gik moyiego kod kaka nopon?’

3. ‘Be ma e kinde mowinjore wuoyoe kode?’

5. Chik iti.

1. Kik iwuo mang’eny.

2. Jiw ng’at miwuoyogo mondo obed thuolo wacho pache. Ka dwarore, inyalo penje penjo moko.