Kaka Wanyalo Medo Lony e Tij Lendo​—Chako Mbaka gi Ji Mondo Wachiw Neno

Yesu nolendo ne dhako ma Nya-Samaria ka nochako goyo kode mbaka. Ere kaka wanyalo medo lony e yo ma wawuoyogo gi joma ok wang’eyo?

• Bed ng’at mohero wuoyo gi ji. Kata obedo ni Yesu nool, nochako wuoyo kokwayo mana pi modho. Inyalo chako wuoyo gi ng’ato kimose, kae to iwuoyo e wi chal mar kor lwasi, kata e wi gik ma notimore machiegni. Par ni, gima duong’ midwaro chopo en chako wuoyo gi ng’ato, omiyo inyalo wuoyo e wi gima nyalo more. Kik idew kotamore wuoyo kodi. Inyalo temo wuoyo gi ng’at machielo. Kwa Jehova mondo omiyi chir.​—Neh 2:4; Tic 4:29.

• Ti gi thuolo moro amora miyudo e chiwo neno, to kik irikni. Tem mondo iwuo e yo mapile. Kik ichun ng’ato gi wach, nikech mano nyalo miyo ochich kodi kendo otamre wuoyo. Kik chunyi ol ka utieko wuoyo gi ng’ato to pok ilendone. Ka iyudo ni iluor lendo sama in e dijeni, tim tiegruok kaka inyalo chako wuoyo gi ji ma ok ilendonegi. [Tug vidio mokwongo kae to uwuoe.]

• Tem manyo thuolo mar lendo kinyise wach moro ma nyalo miyo openji penjo e wi yie mari. Yesu notiyo gi weche ma ne miyo dhako ma Nya-Samaria penje penjo. Gikone nochako landone wach maber, kochiwogo dwoko mag penjogo. [Tug vidio mar 2 kae to uwuoye, bang’e itug vidio mar 3 kae to uwuoe.]