DOK LIMBE
SULA MAR 9
Kech Ji
Puonj: “Moruru kanyachiel gi jo mamor; ywaguru kanyachiel gi jo ma ywak.”—Rumi 12:15.
Gima Yesu Notimo
1. Ne VIDIO, kata isom Mariko 6:30-34. Bang’ mano, non penjo ma luwogi:
Ang’o momiyo Yesu gi jootene ne dwaro bedo “ka ma ji ongee”?
Ang’o ma nojiwo Yesu mondo opuonj oganda?
Ang’o ma Wapuonjore Kuom Yesu?
2. Ka wakecho ji, wabiro nyiso ni wadewogi to ok ni wadich mana gi landonegi wach maber kende.
Luw Ranyisi mar Yesu
3. Chik iti adimba. Mi ng’at milendone thuolo mar wuoyo. Kik ing’ade sama owuoyo kata fwayo weche mowacho kod kaka owinjo e chunye. Kichikone iti adimba, mano biro nyiso ni idewe kendo igombo winjo pache.
4. Tem paro chal mar ng’at milendone. Kaluwore gi mbaka ma usebedogo, penjri niya:
‘Ang’o momiyo dwarore ni owinj adiera?’
‘Ere kaka puonjruok Muma nyalo bero ngimane ma sani kod ma kinde ma biro?’
5. Wuo e wi gik ma nyalo konye. Nyise mapiyo kaka puonjruok Muma nyalo konye yudo dwoko mag penjo ma en-go, kod kaka Muma nyalo konye e ngimane mapile.