Bed Ng’at Mang’won

Gima Yesu Notimo

VIDIO: Yesu Chango Ng’at Moro ma Muofu

1. Ne VIDIO, kata isom Johana 9:1-7. Bang’ mano, non penjo ma luwogi:

1. Ang’o ma Yesu nokwongo timo—be nochango ng’atno koso nolandone wach maber?—Ne Johana 9:35-38.

2. Ang’o momiyo ng’atno noikore winjo wach maber ma Yesu nolandone?

Ang’o ma Wapuonjore Kuom Yesu?

2. Ng’ato nyalo winjo ote ma walandone ka ofwenyo ni wadewe gadier.

Luw Ranyisi mar Yesu

3. Ketri e chal mar ng’at milendone. Tem ane paro kaka owinjo e chunye.

1. Penjri niya: ‘Dibed ni ang’o ma chande? En ang’o ma nyalo konye kata ma nyalo more?’ Timo kamano biro nyiso ni idewe gadier.

2. Nyis ni idewo ng’at milendone kuom chikone iti adimba. Ka onyisi paro ma en-go e wi wach moro kata onyisi chandruok moro ma okale, kik ilok mbaka.

4. Wuo e yo mang’won kendo ma nyiso luor. Ka po ni idewo ng’ato kendo idwaro konye gadier, mano biro nenore e yo ma iwuoyogo kode. Bed motang’ gi weche miwacho kod yo miwachogigo, mondo kik ichwany ng’at miwuoyogo.

5. Ikri konyo. Many yore minyalo konyogo ng’atno. Nyiso ng’ato ng’wono nyalo miyo obed thuolo wuoyo kodwa.