Kaka Inyalo Tayo Puonjruok Muma Kitiyo gi Bug Inyalo Dak gi Mor Nyaka Chieng’!

Ka pok upuonjoru

1. 

   1. Tim ikruok maber. Sama itimo ikruok, par dwaro mag japuonjreni, chal ma entie, kod gik moyiego. Tem paro puonj ma nyalo bedone matek winjo kata tiyogo. Par kaka kama wacho ni “Med Timo Nonro” nyalo konyo japuonjreni kendo ikri tiyo kode ka mano dwarore sama upuonjoru.

Sama upuonjoru

1. 2. Ka japuonjreni oyie, chak kendo itiek gi lamo.

2. 

   3. Tang’ mondo kik iwuo ahinya. Ket pachi e weche ma yudore e sula ma uwuoyeno kendo iyie ne japuonjre ochiw pache.

3. 4. Sama udwaro chako kare ma luwo, inyalo somo wach maduong’ miwuoye kae to iwuo matin e wi moko kuom sula ma yudore kanyo.

4. 5. Sama utieko kare moro, ti gi penjo ma yudore e giko kareno mondo ikonygo japuonjre paro adiera mosepuonjore.

5. 6. Sama ipuonjori sula moro gi japuonjreni:

   1. Somuru paragraf duto.

   2. Somuru ndiko duto mondik ni “Som.”

   3. Somuru ndiko mamoko manie paragraf ka mano dwarore.

   4. 

      Neuru vidio duto mondik ni “Tug” (ka giyudore e dhou).

   5. Penj japuonjreni penjo ka penjo.

   6. Nyise pichni ma yudore kama wacho ni “Tim Nonro” kae to ikwaye mondo ochiw pache e wi pichnigo.

   7. Ti gi kama wacho ni “Gima Inyalo Timo” mondo ikonygo japuonjreni ng’eyo dongruok mosetimo. Inyalo jiwe mondo otim gima owach ni otim kanyo kata mondo oket chenro mamoko monyalo chopo.

   8. Penj japuonjreni ka be nitie sula kata vidio e kama wacho ni “Med Timo Nonro” ma nomore sama ne otimo ikruok.

   9. Tem mondo utiek sula achiel sama upuonjoru.

Bang’ puonjruok

1. 

   7. Dhi nyime paro japuonjreni. Lem kikwayo Jehova mondo oguedh kinda ma japuonjreni timo kendo omiyi rieko mondo ing’e kaka inyalo konyo japuonjreni.