Tim Ikruok Maber ne Puonjo
1. Ang’o momiyo onego wane ni wakonyo japuonjre tiyo gi adiera mag Muma seche mwapuonjore kode?
1 Seche mwapuonjore Muma gi japuonjre, nyaka watim ikruok maber mondo omi wakony japuonjre oti ne Jehova. Kinda mwatimo biro kelo nyak mabeyo ka wakonyo japuonjre tiyo gi adiera mag Muma. Kendo mano biro jiwo japuonjre. (Rapar 6:5; Nge. 4:23; 1 Kor. 9:26) To ere kaka wanyalo timo kamano?
2. Lamo konyo nade e ikruok maber ne puonjruok?
2 Lemo Seche Mwatimo Ikruok: Bedo ni Jehova ema miyo kodhi mag adiera dongo ei chuny japuonjre, owinjore wachak ikruok ne puonjruok ka walamo ne japuonjre kaluwore gi kit ngimane. (1 Kor. 3:6; Jak. 1:5) Lamo ma kamano bende biro konyowa ng’eyo kaka wanyalo medo chopo ei chunye mondo ‘ong’e chuth’ dwaro mar Jehova.—Kol. 1:9, 10.
3. Ere kaka wanyalo timo ikruok ka wan gi japuonjre e paro?
3 Ket Japuonjre e Paro: Yesu nong’eyo ni bedo japuonj molony oriwo keto jowinjo e paro. Nitie kuonde ariyo mopogore, ma ne openjie Yesu penjo achielni: “Natim ang’o mondo acham gikeni ma en ngima mochwere?” Kuonde ariyogo kane ochiwo dwoko mar penjono, notiyo gi yo mopogore. (Luka 10:25-28; 18:18-20) Onego waket japuonjrewa e paro seche mwatimo ikruok. Kuom Ndiko moket e paragraf ere mwabiro somo kode? Wabiro puonjore kode kama romo nade? Gin weche mage mayudore kar puonjruok manyalo bedo matek ne japuonjre winjo tiendgi kata yiego? Ka nitie penjo moko mwaparo ni japuonjre nyalo penjo, ka waikore wanyalo dwokogi e yo maber.
4. Ikruok maber oriwo timo ang’o?
4 Nwo Weche Musepuonjore: Kata obedo ni wan wawegi wasepuonjore kama wapuonjoreno nyading’eny, kuom japuonjreni biro bedo kinde ma wakwongo puonjore kode wechego. Mondo mi wachop e chunye, ikruok maber ne puonjruok ka puonjruok en gima dwarore. Tiendeni wabiro timo gima wajiwo japuonjrewa mondo otim. Non kama ubiro puonjore, kaachiel gi ndiko moketi ka iketo japuonjre e paro, kendo inyalo goro lain e bwo weche madongo.—Rumi 2:21, 22.
5. Ere kaka wanyalo luwo ranyisi mar Jehova?
5 Jehova mor kendo ohero dongruok ma japuonjre ka japuonjre mar Muma timo. (2 Pet. 3:9) Kuom kawo thuolo mondo waikre ne puonjruok mar Muma gi japuonjre, wanyiso hera machalo kamano.