Japuonj Molony Timoga Ikruok

Nitie penjo moro motudore gi ngima mochwere ma ji ariyo mopogore nopenjo Yesu e kinde mopogore, to Yesu nodwoko penjono kaluwore gi chal mar ng’at ma ne penje. (Luka 10:25-28; 18:18-20) Kuom mano, kata obedo ni walony ahinya gi sula ma wadhi puonjore gi ng’ato, pod dwarore ni watim ikruok maber, kendo keto e paro chal mar japuonjre. Gin puonj mage ma nyalo bedone matek winjo sama wapuonjore kata mobiro winjo e yo mayot? Ndiko mage ma wabiro somo kode? Wabiro somo paragraf adi? Nyalo dwarore ni waik ranyisi moro, kata penjo moko mwabiro konyogo japuonjre winjo tiend gima wapuonjore. E wi mano, nikech Jehova e ma biro miyo kodhi mag adiera odong e chuny japuonjre, ber ka walemo mondo okonywa sama watimo ikruok, kendo okony japuonjrewa. Ber bende ka wakwaye mondo oguedh kinda mwatimo e puonjo japuonjre Wachne.—1 Kor. 3:6; Jak. 1:5.