Ohinga mar Jarito LAIBRARI E INTANET
ohinga mar jarito
LAIBRARI E INTANET
Dholuo
  • MUMA
  • BUGE
  • MIKUTANO
  • w09 12/1 ite mar 7
  • Miriambo mar 4: Ni Nyasaye En Nyadidek

Hakuna video yoyote kwa sasa.

Samahani, haikuwezekana kupakia video.

  • Miriambo mar 4: Ni Nyasaye En Nyadidek
  • Ohinga mar Jarito ma Lando Wach Pinyruoth (Mar Puonjruok)—2009
Ohinga mar Jarito ma Lando Wach Pinyruoth (Mar Puonjruok)—2009
w09 12/1 ite mar 7

Miriambo mar 4: Ni Nyasaye En Nyadidek

Miriamboni ne ochakore nade? “Nenore ka gima puonj mar Didek ne ochakore e giko higini mag 300. Inyalo wach ni mano en adier . . . Chakruok mar ‘Nyasaye achiel ma Nyadidek,’ en puonj ma ne ok ogurore motegno, kendo kuom adier ok ne orwake chutho e ngima Jokristo koda e yie mare, nyaka nochopo e giko higini mag 300.”—New Catholic Encyclopedia (1967), Volume 14, ite mar 299.

“Bura mar Nicaea ne oromo e dwe mar Mei 20, 325 [E Ndalowa]. Constantine owuon ema ne tayo burano kendo en ema ne ogolo paro mar . . . puonj manyiso tudruok mantie e kind Kristo gi Nyasaye kuom weche ma burano ne chiwo, ‘ni gin gimoro achiel gi Wuoro.’ . . . Nikech ne giluoro Constantine, jodolo duto mak mana ariyo kende, ne oketo sei margi kuom puonjno, ma thothgi notimo kamano kata obedo ni ne ok giyie gi puonjno.”—Encyclopædia Britannica (1970), Volume 6, ite mar 386.

Muma to wacho ang’o? “To Stefano, mane oyudo opong’ gi Roho Maler, nochomo wang’e e polo, moneno duong’ maler mar Nyasaye, kod Yesu kochung’ e bad Nyasaye korachwich. Nowacho niya, ‘Neuru! Aneno ka polo oyawore, kendo ka Wuod Dhano ochung’ e bad Nyasaye korachwich.’”—Tich Joote 7:55, 56, The Bible in Luo, 1976.

Fwenyno nonyiso ang’o? Kopong’ gi teko mar Nyasaye, Stefano noneno Yesu “kochung’ e bad Nyasaye korachwich.” Kuom mano, nenore maler ni, Yesu ne ok odoko Nyasaye bang’ chierne moidho e polo, to kar mano, ne odok e polo e ringruok ma mare owuon mar polo. Ndikono ok wuo kuom ng’at moro mar adek e bath Nyasaye. Marie-Émile Boismard, jadolo ma a e piny Dominica notemo ahinya manyo ei Ndiko kama onyalo sirogo puonj mar Didek, mi bang’e, e buge miluongo ni À l’aube du christianisme—La naissance des dogmes (Kar Chakruok mar Jokristo—Kar Chakruok mar Puonjge) nowacho kama: “E Muma Manyien onge kamoro amora . . . mawacho ni nitie ji adek e Nyasaye achiel.”

Puonj ma Constantine ne jiwono, ne en ni mondo okel godo giko e ywaruok ma ne nitie e Kanisa e higini mag 300. Kata kamano, puonjno nonyuolo wach machielo: Be Mariam, dhako ma nonyuolo Yesu, “en Min Nyasaye”?

Pim gi ndikogi mag Muma: Mathayo 26:39; Johana 14:28; 1 Jo Korintho 15:27, 28; Jo Kolosai 1:15, 16

ADIERA EN:

Puonj mar Didek ne ochakore e giko higini mag 300

[En mar manie ite mar 7]

Museo Bardini, Florence

    Buge mag Dholuo (1993-2025)
    Toka
    Ingia
    • Dholuo
    • Shiriki
    • Kaka Daher
    • Copyright © 2025 Watch Tower Bible and Tract Society of Pennsylvania
    • Chikewa
    • Rito Weche
    • Mpangilio wa Faragha
    • JW.ORG
    • Ingia
    Shiriki