Ohinga mar Jarito LAIBRARI E INTANET
ohinga mar jarito
LAIBRARI E INTANET
Dholuo
  • MUMA
  • BUGE
  • MIKUTANO
  • w11 4/1 ite mar 16-17
  • Puonjri Kuom Wach Nyasaye

Hakuna video yoyote kwa sasa.

Samahani, haikuwezekana kupakia video.

  • Puonjri Kuom Wach Nyasaye
  • Ohinga mar Jarito ma Lando Wach Pinyruoth (Mar Puonjruok)—2011
  • Habari Zinazolingana
  • Be Ing’eyo Nyasaye?
    Wach Maber Mowuok kuom Nyasaye!
  • Adiera e Wi Nyasaye
    Gima Muma Puonjo
  • Ang’o Monego Wang’e e Wi Nyasaye?
    Ang’o ma Muma Puonjo Kuom Adier?
  • Puonjri Kuom Wach Nyasaye
    Ohinga mar Jarito ma Lando Wach Pinyruoth (Mar Puonjruok)—2011
Pata Habari Zaidi
Ohinga mar Jarito ma Lando Wach Pinyruoth (Mar Puonjruok)—2011
w11 4/1 ite mar 16-17

Puonjri Kuom Wach Nyasaye

Nyasaye En Ng’a?

Sulani nigi penjo manyalo bedo ni isepenjori, kendo onyiso kama inyalo somo e Mumbi mondo iyud dwoko mag penjogo. Joneno mag Jehova diher wuoyo kodi e wi dwokogo.

1. Nyasaye en ng’a?

Nyasaye madier en Jachwech mar gik moko duto. Muma luonge ni “Ruoth mochwere,” matiende ni oonge chakruok kendo ok nobed gi gikone ngang’. (Fweny 15:3) Nikech Nyasaye e Soko mar ngima, en kende ema onego walame.​—Som Fweny 4:11.

2. Nyasaye chalo nade?

Onge ng’at moseneno Nyasaye nikech Nyasaye en Roho, matiende ni en gi del mamalo moloyo chwech moko mineno me piny. (Johana 1:18; 4:24) Kido mag Nyasaye nenore kuom gigo mochweyo. Kuom ranyisi, ka waparo matut kaka Nyasaye nochweyo olemo koda maupe e kido mang’eny, herane kod riekone yangorenwa. Duong’ mar kor lwasi nyisowa kaka Nyasaye nigi teko.​—Som Jo Rumi 1:20.

Pod nitie gik mang’eny mwanyalo puonjore kuom kit Nyasaye e Muma. Kuom ranyisi, Muma nyisowa gigo ma Nyasaye ohero koda maok ohero, onyiso kaka Nyasaye timo ne jomoko, koda kaka otimo e chal mopogore opogore.​—Som Zaburi 103:7-10.

3. Be Nyasaye nigi nyinge?

Yesu nowacho kama: “Wuonwa manie polo, nyingi mondo obed maler.” (Mathayo 6:9) Kata obedo ni Nyasaye nigi nyinge mang’eny mag telo, nyinge en mana achiel. Dhok ka dhok, luongo nyingno mopogore. E Dholuo iluonge ni “Jehova” kata seche moko iluonge ni “Yahweh.”​—Som Zaburi 83:18.

Ji osegolo nying Nyasaye e Muma mang’eny ka giwile gi nyinge mag telo kaka Ruoth kata Nyasaye. Kata kamano, kane ondik Muma, noting’o nying Nyasaye chiegni nyadi 7,000. Yesu ne onyiso ji nying Nyasaye kuom tiyo gi nyingno sama nolero ne ji Wach Nyasaye. Ne okonyo ji ng’eyo Nyasaye.​—Som Johana 17:26.

4. Be Jehova dewowa?

Jehova nyiso ni odewowa kuom winjo lemowa en owuon. (Zaburi 65:2) Be bedo ni chandruok ng’eny nyiso ni koro Nyasaye ok dewwa? Jomoko wacho ni Nyasaye kelonwa chandruok mondo otemwago, to mano ok en adier. Muma wacho niya: “Nyasaye ok nyal timo richo.”​—Ayub 34:10; som Jakobo 1:13.

Nyasaye oyiedho dhano kuom miyogi thuolo mar timo yiero gin giwegi. Donge wamor ni omiwa thuolo mondo wayier tiyo ne Nyasaye? (Joshua 24:15) Chandruok ng’eny nikech ji mathoth yiero timo ne jowadgi gik maricho. Neno timbe machalo kamago miyo chuny Jehova bedo malit.​—Som Chakruok 6:5, 6.

Machiegni nono, Jehova biro tiyo gi Yesu mondo ogol chandruok duto kaachiel kod jogo makelo chandruogego. Gie sani, nitie gimaber momiyo Jehova oweyo chandruok obedie kuom kinde machuok. Sula moro manie gaset maluwo mae biro lero gimomiyo Nyasaye oweyo chandruok mondo obedie.​—Som Isaiah 11:4.

5. Nyasaye dwaro ni mondo watim ang’o?

Jehova nochweyowa gi nyalo mar ng’eye kendo here. Odwaro ni wapuonjre wang’eye gadier. (1 Timotheo 2:4) Ka wapuonjore Muma, wanyalo ng’eyo Nyasaye ma obed Osiepwa.​—Som Ngeche 2:4, 5.

Nikech Jehova omiyowa ngima, onego wahere moloyo kaka wahero ng’at moro amora. Wanyalo nyiso Nyasaye ni wahere ka wawuoyo kode e lemo kendo ka watimo kaka odwaro. (Ngeche 15:8) Jehova dwaro ni watim ne jomoko e yor hera.​—Som Mariko 12:29, 30; 1 Johana 5:3.

Mondo iyud weche momedore, ne sula mokwongo e bugni Ang’o ma Muma Puonjo Kuom Adier? mogo gi Joneno mag Jehova.

[Picha manie ite mar 17]

Be nitie gimaber manyalo miyo ng’ato owe chandruok obedie kuom kinde matin?

    Buge mag Dholuo (1993-2025)
    Toka
    Ingia
    • Dholuo
    • Shiriki
    • Kaka Daher
    • Copyright © 2025 Watch Tower Bible and Tract Society of Pennsylvania
    • Chikewa
    • Rito Weche
    • Mpangilio wa Faragha
    • JW.ORG
    • Ingia
    Shiriki