DWOKO PENJO MAG MUMA

Jachien noa kanye?

Nyasaye ne ok ochweyo Jachien. Kar mano, Nyasaye ne ochweyo malaika ma bang’e ne olokore mobedo Jachien, ma bende iluongo ni Satan. Yesu ne owacho ni ne nitie kinde ma Jachien ne en malaika ma jaadiera kendo maonge ketho. Mano nyiso ni kane ochweye, ne ok en Jachien to ne en achiel kuom yawuot Nyasaye makare.​—Som Johana 8:​44.

Ere kaka malaika ne nyalo lokore mabed Jachien?

Malaika ma ne olokore mobedo Jachien ne oyiero mar kwedo Nyasaye kendo wuondo dhano ariyo mokwongo mondo oriwe lwedo. E yo ma kamano, ne olokore owuon mobedo Satan, matiende ni “Jakwede.”​—Som Chakruok 3:1-5; Fweny 12:9.

Mana kaka chwech mamoko mariek mag Nyasaye, malaika ma ne olokore mobedo Jachien ne nigi thuolo mar yiero timo gimaber kata gimarach. Kar yiero tiyo ne Nyasaye, gombone mar yudo duong’ nomiyo odwaro ni olame.​—Som Mathayo 4:8, 9; Jakobo 1:13, 14.

Ere kaka Jachien osedhi nyime wuondo dhano? Be onego iluore? Inyalo yudo dwoko mag penjogi e Muma.