DWOKO PENJO MAG MUMA

Be inyalo wenwa richowa?

Kaluwore gi Muma, dhano duto gin joricho. Ne wayudo richo kowuok kuom Adam, dhano mokwongo. Nikech mano, samoro watimo gik maricho machando chunywa bang’e. Yesu Kristo, Wuod Nyasaye, ne otho mondo oreswa kuom richo. Rawar ma ne ochiwo miyo inyalo wenwa richowa. Rawarno, en mich mowuok kuom Nyasaye.—Som Jo Rumi 3:23, 24.

Jomoko osetimo richo madongo kendo giwuoro kabe Nyasaye nyalo weyonegi. Gima morowa en ni Wach Nyasaye nyisowa ni: “Remb Yesu Wuode pwodhowa kuom richo duto.” (1 Johana 1:7) Kwaloko chunywa chuth, Jehova weyonwa richowa kata gibed richo madongo.—Som Isaiah 1:18.

Ang’o manyaka watim mondo owenwa richowa?

Mondo Jehovah Nyasaye owenwa richowa, dwarore ni wapuonjre e wiye. Onego wapuonjre yorene koda chikene. (Johana 17:3) Jehova ng’wono ne jogo maloko chunygi kendo matemo kar nyalogi mondo gitim lokruok madwarore.—Som Tich Joote 3:19.

Bedo gi winjruok maber gi Nyasaye en gima nyalore. Jehova ong’eyo nyawowa. Okechowa kendo ong’won. Nikech oherowa kamano, donge diher puonjori weche momedore e wi kaka inyalo miyo chunye obed mamor?—Som Zaburi 103:13, 14.