DWOKO PENJO MAG MUMA
Be jo motho nyalo bedo mangima kendo?
Ng’at motho chalo gi ng’at ma nindo nimar ok ong’eyo gimoro amora kendo ok onyal timo gimoro amora. Kata kamano, Jalno ma ne ochweyo ngima nyalo chiero jo motho mi gichak gidag kendo. Mondo Nyasaye onyis ni en gi teko mar chiero jo motho, nomiyo Yesu teko mar chiero ji mogwaro ma ne osetho.—Som Eklesiastes 9:5; Johana 11:11, 43, 44.
Tho chalo gi nindo e yo mane?
Nyasaye osingo ni nitie joma obiro chiero mondo odag e piny manyien kendo makare. Gie sani, jogo mibiro chier biro dong’ kotho nyaka chop kinde ma Nyasaye miyogie ngima kendo. Nyasaye Manyalo Duto gombo tiyo gi tekone mondo ochier jo mosetho.—Som Ayub 14:14, 15.
Chier biro chalo nade?
Ng’ato ka ng’ato ma Nyasaye biro chiero, biro ng’eyo ni en ng’a, kendo gibiro ng’eyo osiepegi, kod joodgi. Kata obedo ni ka ng’ato otho to ringre top, Nyasaye biro chiero mana ng’ano ndi e del manyien.—Som 1 Jo Korintho 15:35, 38.
Kuom joma ibiro chier, joma nok kende ema biro dhi dak e polo. (Fweny 20:6) Thoth joma ibiro chier biro dak e piny molos obedo paradis. Gibiro chako ngima manyien ka gin gi geno mar dak nyaka chieng’.—Som Zaburi 37:29; Tich Joote 24:15.