Ang’o ma Muma Wacho?

Be dhano e ma nochako din?

JOMOKO WACHO NI dhano e ma nochako din; jomamoko to paro ni Nyasaye tiyo gi din e konyo ji osud machiegni kode. In to ineno nade wachno?

GIMA MUMA WACHO

Nitie “kit lamo maler kendo ma ok ochido e wang’ Nyasachwa kendo Wuonwa.” (Jakobo 1:27) Din maler kata madier a kuom Nyasaye.

WECHE MAMOKO MA MUMA PUONJOWA GIN MAGE?

• Mondo din omor Nyasaye, dinno nyaka puonj gik manie Muma.—Johana 4:23, 24.

• Dinde ma puonjo chike mag dhano gin dinde manono.—Mariko 7:7, 8.

Be ochuno ni nyaka ibed e din moro?

INYALO DWOKO NADE?

• Ee

• Ooyo

• Luwore

GIMA MUMA WACHO

“Wadewreuru e kindwa mondo wajiw hera kod timbe mabeyo ma ok wajwang’ bedo e chokruogewa kanyachiel.” (Jo-Hibrania 10:24, 25) Nyasaye dwaro ni joma lame ochokrega kanyachiel e yo mochanore.

WECHE MAMOKO MA MUMA PUONJOWA GIN MAGE?

• Joma lamo Nyasaye kanyachiel onego obed gi winjruok kod paro achiel.—1 Jo-Korintho 1:10, 11.

• Jogo manie din ma Nyasaye oyiego onego obed e riwruok mar owete e piny mangima.—1 Petro 2:17.