Gima Wanyalo Wacho Kuom Gasedewa

Ohinga mar Jarito Mach 15

“Kinde mang’eny ji wuoyo kuom biro mar Yesu Kristo. Be iparo ni mano en wach ma onego wagen koso en wach monego omiwa luor? [Rit dwoko.] Ne kaka Johana ma jandik Muma ne oneno wachno. [Som Fweny 22:20.] Gasedni lero gima biro mar Kristo dhi timo.”

Amkeni! Mach

“Nenore ni ng’eny jotelo mag pinyni gin josunga ahinya. Be iparo ni kido machalo kama miyo kuwe kod winjruok omedre e piny? [Rit dwoko.] Ma e gima Muma wacho kuom sunga. [Som Ngeche 16:18.] Weche mondiki kae lero ber mar bedo joma bolore.” Elne weche mondiki e ite mar 20.

Ohinga mar Jarito Apr. 1

“Chiegni ni pile ka pile wabedo gi penjo e wi wach tuoche, ngima joot, kod tijewa. Iparo ni wanyalo yudo kanye dwoko minyalo gen kendo manyalo konyo? [Rit dwoko.] Ne gima Muma wacho e 2 Timotheo 3:16. [Som.] Gasedni nyiso kaka Muma nyalo konywa e yore mang’eny.”

Amkeni! Apr.

“Kuonde mang’eny e piny, ji neno ni timbe medo bedo maricho. Be in bende iseneno mano? [Rit dwoko.] Gik ma waneno ka timore kindegi chopo wach ma ne okor e Muma. [Som 2 Timotheo 3:2-4.] Gasedni nyiso gima timbe ma medo bedo maricho nyiso kod kama timbego teroe dhano.”