Gima Wanyalo Wacho Kuom Gasedewa

Ohinga mar Jarito Apr. 15

“Nenore ni timbe mag gero medore ahinya. [Chiw ranyisi achiel ei alworau kata migolo e gasedni.] Be isewuoro gimomiyo ji nyalo bedo mager kamano? [Rit dwoko.] Muma nokoro ni timbe gero nomedre. [Som 2 Timotheo 3:1-5.] Gasedni dwoko penjoni, ‘Be kinde moro timbe gero norum?’”

Amkeni! Apr.

“Ji mang’eny wacho ni gin Jokristo. Iparo ni bedo Jakristo tiende en ang’o? [Rit dwoko.] Ne gima Yesu ne owacho kae. [Som Johana 15:14.] Wechegi nyiso ni nitie gik mang’eny monego tim moloyo mana wacho ni ng’ato en Jakristo.” Nyis sula machakore e ite mar 26.

Ohinga mar Jarito Mei 1

“Kinde duto, tho mar nyathi miyo jonyuol bedo gi lit mosiko. Iparo ni ginyalo yudo hoch kanye? [Rit dwoko. Kae to isom Jo Rumi 15:5.] Gasedni wuoyo kuom yore moko ma Nyasaye chiwo godo hoch ne jogo ma kuyo.”

Amkeni! Mei

“Jo moko nigi mwandu mang’eny, to tara gi tara mag dhano mamoko odak e dhier. Be iparo ni nitie kinde moro ma ji nobed maromre? [Rit dwoko.] Ne ane kaka Nyasaye neno jo modhier. [Som Zaburi 22:24.] Gasedni lero geno ma Muma chiwo ne jogo modhier.”