Gigo ma Wanyalo Wacho Kuom Gasede

Ohinga mar Jarito Ago. 15

“Daher winjo paro ma in-go kuom gima iwacho kae. [Som Jo Hibrania 3:4.] Be iyie ni piny mangima ne olosi gi Jachwech mariek? [Rit dwoko.] Gasedni nono kabe bedo gi yie ni Jachwech nitie en gima winjore gi sayans madier.”

Amkeni! Ago.

Ka iromo gi ng’at ma rawera, inyalo wacho kama: “Mbeseni mang’eny oseyudo lit nikech owuo kuomgi marach e kuoth. Be mano osetimoreni? [Rit dwoko.] Muma chiwo puonj maber manyalo konyowa kapo ni wan ema owuo kuomwa marach e kuoth. Onyiso gima wanyalo timo mondo kik wabed jokuoth.” Nyise weche manie ite mar 12, kendo isom ndiko achiel man kanyo.

Ohinga mar Jarito Sept. 1

“Ji mang’eny neno ni ‘Muma Machon’ oting’o weche manyalo konyo mag gik ma ne otimore chon. Kata kamano giwuoro kabe puonj mochiwo gin makonyo e kindegi. Ineno nade? [Rit dwoko. Kae to isom Jo Rumi 15:4.] Gasedni nyiso kaka ‘Muma Machon’ chiwo puonj manyalo konyo e ngima ma pile koda geno madier e kinde mabiro.”

Amkeni! Sept.

“Be ineno ni Nyasaye ema kelo masiche ma ok nyal geng’? [Rit dwok. Kae to isom Rapar mar Chik 32:4.] Gasedni nyiso gimomiyo Nyasaye oseweyo masiche ma ok nyal geng’ mondo otimre. Bende onyiso yore minyalo ritogo joodi kuom masiche.”