Gik ma Wanyalo Wacho Kuom Gasedewa

Ohinga mar Jarito Ago. 1

“Be iyie ni winjo chik ma Yesu ne ochiwoni nyalo medo mor ne joot? [Som Johana 13:34. Rit dwoko.] Gasedni nyiso kaka puonj mag Yesu kod ranyisi ma ne oketo tiyo kuom ng’ato ka ng’ato kuom joot.” Nyis wi wach manwang’ore e ite mar 18 kod mar 19.

Amkeni! Ago.

“Be iparo ni sirkande mag dhano biro loyo e yo maber chandruok mar liet mamedore e piny mangima? [Rit dwoko. Kae to isom Yeremia 10:23.] Onge kiawa ni ibiro hero somo gasedni. Olero yo ma Nyasaye biro loyogo gik maketho pinywani.”

Ohinga mar Jarito Sept. 1

“Ji mathoth ong’eyo weche Yesu mayudore e Mathayo 6:9. [Som.] Kata kamano, ji mathoth neno ni tek mondo gibed machiegni gi Nyasaye kaka Wuoro. Iparo ni wanyalo sudo machiegni gi Nyasaye e yo mane? [Rit dwoko.] Gasedni wuoyo kuom kido mopogore opogore mag Wuonwa manie polo kod kaka wanyalo ng’eye kuom adier.”

Amkeni! Sept.

“Kuom higini mang’eny, ji osechiwo paro mopogore opogore kuom wach bedo mangima bang’ tho. In ineno nade wachni? [Rit dwoko.] Ne yie ma Ayub nonyiso. [Som Ayub 14:14, 15.] Gasedni nyiso kaka Muma neno wach ngima ma bang’ tho.”