Lend ma Ok Iwe
1 Seche moko, wanyalo neno ni alwora ma walendoe oselendie monwore kendo ahinya to ji rwako wach mana matin. Kata kamano, nitie gik momiyo onego wadhi nyime gi lendo.—Math. 28:19, 20.
2 Obed Ranyisi: Yesu ne okoro ni lando wach Pinyruoth ne dhi bedo achiel kuom gik madongo manyiso “giko mar ndalo” kendo ne idhi time “mondo obed ranyis ni ogendini duto.” (Math. 24:3, 14) Seche ma ji nenowa ka watimo tij lando wach maber mar Pinyruoth, ranyisi kata neno maduong’ ichiwo. Bang’ a kama walendoeno, jomoko nyalo wuoyo kuom limbewa kuom seche kata ndalo mabuora, kata bedni ne ok giwinjo wach ma ne walando negi. Ng’eyo gimomiyo walendo konyowa e nano. Wamiyo Jehova mor kuom kawo kinde ka watimo tich ma ne okor e Muma seche ma wachiwo neno kod chiwo siem kuom kethruok mabiro.—2 Thes. 1:6-9.
3 Nano Dwarore: Nikech nitie gik mang’eny magalo ji kod gik mang’eny makawo thuolo mag ji, dwarore ahinya ni wabed joma nano seche ma watimo matek e konyogi mondo girwak wach. Ne olendne miyo moro juma ka juma kuom higa achiel kapok oyiero rwako Joneno e ode mondo giwuo kuom Muma. Ne omor ahinya gi wach ma ne owinjo mi ne oyie puonjruok mar Muma, ochako dhi e chokruok, kae to onyiso ni odwaro ni obatise.
4 Kit piny lokore mapiyo ahinya, kendo paro mag ji bende. Thoth joma ne kwedo limbewa sani nyalo yie winjo wach ma walando makelo kuwe. Ka ng’at achiel kende nyalo rwako wach Pinyruoth e yo maber, mano biro nyiso ber ma watimo kuom nano.
5 E piny mangima, ji mang’eny ‘parore, yuak, nikech weche duto modwanyore matimore.’ (Ezek. 9:4) Nyak mar tij lendo ma watimo nyiso ni jogo ma gin joma kare rwako wach Pinyruoth. (Isa. 2:2, 3) Kuom mano, wadhiuru nyime gi lando wach ma ok wawe ka wanano e yor hera e ‘kelo weche mokou mabeyo mag gima ber.’—Isa. 52:7; Tich 5:42.