Gima Wanyalo Wacho Kuom Gasedewa

Ohinga mar Jarito Desemba 1

“E kinde kaka magi e higa, ji joloso ranyisi mar nyathi matin minyuolo manyiso gima Muma wuoyoeni. [Som Mathayo 2:1, 11.] Be ineno pogruok e kind gima Muma wacho ni notimore kod gima ji hinyo timo? [Rit dwoko.] Sulani wuoyo kuom gima notimore gadier.” Nyis sula machakore e ite mar 31.

Amkeni! Desemba

“Daher winjo pachi kuom wach moro ma Yesu nowacho. [Som Mathayo 5:3.] Nikech nitie dinde mang’eny mopogore opogore, be iparo ni yiero mwatimo e chopo dwaro ma wan-go kuom wach Nyasaye en gima duong’? [Rit dwoko.] Sulani nyiso gima Muma wacho kuom kaka wanyalo chopo gadier dwaro marwa kuom wach Nyasaye.” Nyis sula machakore e ite mar 12.

Ohinga mar Jarito Januar 1

“Dinde nigi paro mopogore opogore kuom wach tiyo gi kong’o. Iparo ni Nyasaye neno nade ng’at ma madho kong’o? [Rit dwoko.] Kata obedo ni Muma wacho ni Yesu noloko pi obedo kong’o e yor hono, Muma pod wacho kama. [Som Ngeche 23:20a.] Gasedni nyiso paro mowinjore manie Muma.”

Amkeni! Januar

“E kinde matekgi, ji mang’eny neno ni gitiyo ahinya kendo chunygi oseol. Be isewinjoe kamano? [Rit dwoko.] Ne puonj maberni. [Som Eklesiastes 4:6.] Gasedni wuoyo kuom kaka wanyalo chiwo thuolo mowinjore ne tich, joot, kod yueyo. Bende ochiwo paro mopogore opogore ne joma manyo tich.”