Brosua Manyien Mwabiro Chiwo!
1. Wabiro chiwo buk mane e dwe mar Novemba, kendo ang’o momiyo ogo brosuani?
1 E Chokruog-Distrikt ma 2009 mar “Endeleeni Kukesha!” nogol brosua manyien miluongo ni Biblia—Ina Ujumbe Gani? E dwe mar Novemba ema kanyakla duto e piny ngima biro kwongo chiwoe brosuani. Ere kaka brosuani biro konyo joma nie alworawa? Ji mang’eny, to moloyo joma ok nie dinde mag Jokristo ok ong’eyo weche mathoth e wi Muma. Omiyo, it brosuano mar 3 lero ni olos brosuani mondo okony e chiwo “weche madongo manie Muma e yo machuok.”
2. Ere kaka wanyalo chiwo brosuani?
2 Kaka Inyalo Chiwe: Wanyalo wacho kama: “Dwaher ng’eyo kaka iparo kuom wachni. [Som 2 Timotheo 3:16.] Thoth joma wawuoyogo oyie gi wechegi; moko to paro ni Muma en mana kaka buge mamoko. In to iparo nade kuom Muma? [Rit dwoko.] Nitie gik momiyo dwarore ni wanon Muma wawegi kata obedo ni din ma wantie oyie gi puonj mopogore. [Som paragraf motelo e ite mar 3.] Seche misomo weche Muma mondik e yo machuok e brosuani, ibiro yudo wach moro mamori ni: Muma wuoyo kuom wach achiel maduong’.”
3. En yo mane machielo mwanyalo tiyogo to moloyo e alwora ma ji mang’eny ok gin Jokristo?
3 Yo machielo minyalo tiyogo, to moloyo e alwora ma ji mang’eny ok gin Jokristo: “Dwaher ng’eyo gima iparo kuom weche mag Ndikoni (kata e buk malerni). [Som Zaburi 37:11.] Iparo ni piny biro chalo nade e kinde ma wechegi biro chopo kare? [Rit dwoko.] Ma en mana ranyisi achiel kuom geno kaachiel gi hoch mayudore e Muma ma ji duto mawuok ogendini kod dinde mopogore opogore nyalo yudo.” Som paragraf motelo e ite mar 3, kae to ichiw brosuani.
4. Ere kaka wanyalo tiyo gi brosuani e chako puonjruok mar Muma gi ji?
4 Chak Puonjruok mar Muma: Seche ma wadok timo limbe wanyalo paro ne wuon ot gima ne wawuoyoe kendo somo paragraf achiel kata ariyo e wi wach ma ne wawuoyoe, ka watiyo gi penjo manie giko mar kama wapuonjoreno. Kata ka wang’ado ni wadwaro tiyo gi bug Muma Puonjo, wanyalo somo kode tok brosuano, kae to wamiye bugno mondo oyier sula ma doher, bang’ mano wanyalo nono kode paragraf achiel kata ariyo kuom sula moyierono. Mad watim duto mwanyalo mondo wachiw brosuano e dwe mar Novemba!