Yo Achiel Mwanyalo Tiyogo gi Brosua mar Ujumbe wa Biblia

Thoth ji e alworawa, to moloyo mago maok nie dinde mag Jokristo, ok olony gi Muma. Seche ma jolendo moko timo puonjruok gi joma kamago ka gitiyo gi bug Muma Puonjo, gisetiyo bende gi brosua mar Ujumbe wa Biblia e konyo japuonjre mondo ong’e weche madongo e Muma. Kuom ranyisi, owadwa moro janyiso japuonjre kare 1 mar brosuano seche ma ginono sula mar 3 e bug Muma Puonjo. Bang’ mano, ginono kuonde mamoko e brosuano bang’ puonjruok ka puonjruok. Be in gi japuonjre ma nigi lony matin e weche mag Muma kata maok olony chuth gi Muma? Mondo ikonye ng’eyo ‘ndiko maler, manyalo miye rieko ma kelo warruok,’ tem neno kaka inyalo tudo gima upuonjoru e bug Muma Puonjo kod mayudore e brosua mar Ujumbe wa Biblia.—2 Tim. 3:15.