Vidio mar The Bible—Accurate History, Reliable Prophecy

En ang’o manyiso ni Muma wacho adier kuom gik ma notimore chon? Gin weche mage ma nokor e Muma mosechopo mamiyo wabedo gadier ni gik mokor kuom kinde mabiro biro timore adier? Iwuoyo kuom penjogi e vidio mar The Bible—Accurate History, Reliable Prophecy, ma en vidio mar adek mayudore e DVD mar The Bible—A Book of Fact and Prophecy. Bang’ neno vidioni, be inyalo dwoko penjo maluwogi?

(1) Ng’ano ma en Soko mar weche migeno mag Muma? (Dan. 2:28) (2) Ere kaka Muma lero adimba piny Misri machon, kendo ere kaka weche ma nokor e Isaiah 19:3, 4 nochopo kare? (3) Ere kaka gik ma nokuny e lowo osejiwo gik ma Muma wacho kuom Jo-Asuria, ruodhi maggi kod kethruok mar piny Asuria? (Nah. 3:1, 7, 13) (4) Gin weche mage ma nokor kuom Babulon ma nochopo kare? (Yer. 20:4; 50:38; 51:30) (5) En wach mane ma nokor kuom Media gi Persia ma nochopo kare? (Isa. 44:28) (6) Ere kaka weche mayudore e Daniel 7:6 kod 8:5, 8 e wi piny Grik nochopo kare? (7) Weche mayudore e Daniel 7:7 nochopo nade kane Rumi ochako locho e piny ngima? (8) Gin ruodhi mage mag Kaisar miwuoyo kuomgi e Muma? (9) Ang’o ma notimore ne Jokristo e bwo loch mar Nero? (10) Weche mayudore e Fweny 13:11 kod 17:10 nochopo nade? (11) Ere kaka wanyalo fwenyo ruoth mar aboro? (12) Gin ang’o mayudore e vidioni manyiso adiera mag weche manie Eklesiastes 8:9? (13) Gin gik mage mokor migombo neno ka chopo e kinde mabiro? (14) Ere kaka inyalo tiyo gi vidioni e konyo jomoko ng’eyo ni Muma en bug Nyasaye?