Gima Wanyalo Wacho Kuom Gasedewa

Ohinga mar Jarito Januar 1

Som Chakruok 2:16, 17. Kae to iwach kama: “Jomoko wacho ni Nyasaye noseng’eyo ni Adam ne dhi timo richo. Moko to neno ni ka en kamano, kara siem ma ne ochiwocha ne en miriambo. In to iparo nade? [Rit dwoko.] Sula machakore e ite mar 13 lero kaka Nyasaye tiyo gi nyalo ma en-go mar ng’eyo gik mabiro timore e kinde mabiro.”

Amkeni! Januar

“Jomoko neno ni bedo gi yie e weche din en mana gima ng’ato winjo e chunye to ok kuom nono gimomiyo ng’ato bedo gi yie. In to iparo nade? [Rit dwoko.] Kaluwore gi Muma, ng’ato ok onego obed gi yie maok ong’eyo gimomiyo. [Som 1 Johana 4:1.] Sula machakore e ite mar 28 lero gik mwanyalo timo mondo yiewa kik obed ma kayiem.”

Ohinga mar Jarito Februar 1

“Ketho kend en gima onya ahinya e kindegi. Ang’o momiyo mano timore? [Rit dwoko.] Ne ane paro mosekonyo ahinya jogo manie kend. [Som 1 Jo Korintho 10:24.] Gasedni wuoyo kuom weche auchiel ma chwo gi mon hinyo wacho ni kelo ywaruok kendo onyiso kaka luwo puonj mag Muma nyalo konyo ahinya.”

Amkeni! Februar

“Nenore ni timbe-juok medore ahinya e kindegi. Be iparo ni donjo e timbe-juok nyalo kelo hinyruok? [Rit dwoko.] Ne ane siem ma Nyasaye nomiyo Jo-Israel machon. [Som Rapar mar Chik 18:10-12.] Gasedni nyiso gima Muma wacho e wi timbe-juok.”