Sandug Penjo

◼ Onego wapuonjre kuom kinde maromo nade gi japuonjre Muma matimo dongruok?

Ber timo puonjruok gi japuonjre Muma matimo dongruok nyaka otiek buge ariyo ma gin Ang’o ma Muma Puonjo Kuom Adier? kod “Ritreuru e Hera mar Nyasaye.” Ma en gima onego otim kata kosebatis japuonjre to pok otieko buge ariyogo. Bang’ kosebatise wanyalo dhi nyime gi chiwo ripot mar seche, dok timo limbe kod puonjruok mwatimo gi japuonjreno. Kapo ni wadhi gi jalendo machielo e puonjruokno, en bende onyalo chiwo ripot mar seche motigo.​—Ne Tijwa mar Pinyruoth ma Mach 2009 ite mar 2.

Dwarore ahinya ni joma nyien obed gi mise motegno e adiera kapok waweyo puonjore kodgi. Onego ‘gimok’ kuom Kristo kendo bedo ‘motegno e yie’ mondo omi gichung’ motegno e tembe ma gibiro romogo. (Kol. 2:6, 7; 2 Tim. 3:12; 1 Pet. 5:8, 9) E wi mano, mondo gipuonj jomoko e yo molony, nyaka “ging’e adiera chuth.” (1 Tim. 2:4) Ka watieko puonjruok buge ariyogo gi jopuonjrewa, wakonyogi mondo giwuoth motegno e ‘yo ma dhi e ngima.’​—Math. 7:14.

Kapok jodongo oyie mondo obatis ng’ato, onego gine ni ng’ano ong’eyo maler puonj mag Muma ma gin kaka mise kendo odak kaluwore gi puonjgo. Jodongo onego onon ahinya to moloyo ka japuonjre midwaro batisi pok otieko buk mokwongo. Ka ng’ato podi ok owinjore obatise, jodongo biro neno ni okonye e yore madwarore mondo obatise e kinde mabiro.​—Ne bug Tengenezo Linalofanya Mapenzi ya Yehova, e ite mag 217-218.

[Blab manie ite mar 2]

Dwarore ahinya ni joma nyien obed gi mise motegno e adiera