Konygi Mondo ‘Gibed Motegno e Yie’

Wamor ahinya neno kaka Jehova gwedho tij kelo ji e riwruok mar ogandane, ka higa ka higa ibatiso ji mokalo 250,000. (Rapar 28:2) Ka jalendo osekonyo japuonjre mochopo e batiso, yot mondo jalendono owe dhi nyime puonjore gi japunjreno kendo timo kinda mana e konyo jomamoko. Japuonjre mosebatisino bende koro nyalo gombo weyo puonjruokgi gi jalendono mondo oyud thuolo momedore mar lendo. Kata kamano, dwarore ni jopuonjre Muma ogurre motegno e adiera. Onego ‘gimakre’ chuth gi Kristo kendo ‘gibed motegno e yie.’ (Kol. 2:6, 7; 2 Tim. 3:12) Omiyo, bang’ ka japuonjre osebatisi, onego odhi nyime gi puonjruok nyaka tiek kode buge ariyo duto, ma gin Muma Puonjo kod “Hera mar Nyasaye.”—Ne Tijwa mar Pinyruoth ma April 2011, ite mar 2.