Ochal Nade?

Mano en penjo maber monego wapenjre e wi buk moro amora ma wadwaro chiwo e tijwa mar lendo. Buk moro amora mobanore, ma rangene olokore, mochido kata moyiech biro miyo ji ocha riwruok marwa kendo mono wuon ot somo wach maber mareso ngima ji mayudore ei bugno.

Ere kaka wanyalo keto bugewa obed maler? Ji mang’eny oseyudo ni chano bag mar lendo ka giketo gik machalre kanyachiel konyo ahinya. Kuom ranyisi, gin gi kar keto buge, kar gasede kod brosua, kar trakt kod mamoko. Seche ma giduoko Muma kod buk moro amora e begegi mag lendo, gitimo kamano e yo maber mondo kik giyiechgi. Jolendo moko soyo bugegi e gimoro kata e jwala maler kae to giketo e bag. Kata obedo ni watiyo gi yo mane e rito bugewa mag lendo, ok wadwar miyo ng’ato ang’ata ocha tijwa mar lendo kuom miye buk maok orit maber.—2 Kor. 6:3.