Vidio mar Mashahidi wa Yehova—Imani Yenye Matendo, Sehemu ya 1: Kutoka Gizani
E i Muma, adiera iporo gi ler to miriambo iporo gi mudho. (Zab. 43:3; Isa. 5:20) Satan ema nokwongo kelo mudho e piny ka nowuondo Hawa, kae to bang’e omiyo mudhono olandore e piny ngima. (Fwe. 12:9) Vidio miluongo ni Mashahidi wa Yehova—Imani Yenye Matendo, Sehemu ya 1: Kutoka Gizani nyiso kaka ler mar wach Nyasaye nochako nenore mosmos bang’ bedo e mudho kuom kinde. (Isa. 60:1, 2) Bang’ neno vidiono, tem ane kinyalo dwoko penjo maluwogi.
(1) Ere kaka mudho mandiwa nochako bedoe bang’ tho mar joote? (2) Chakre higini mag 1100 ka dhi nyime, gik mage ma ne timore ma nomiyo ji ofwenyo ni kanise nosebayo yo mar adiera? (3) Henry Grew gi George Storrs ne gin ng’a gini? (4) Gin gik mage ma notimore ne Charles Russell ma nokelo lokruok e ngimane? (5) Gin yore mage ma Owadwa Russell, wuon-gi, kaachiel gi jomamoko notiyogo e timo puonjruok margi mar Muma, to mano nokonyogi ng’ado paro mage motudore gi Ndiko? (6) Ere kaka grup mar puonjruok Mumani noriwore gi grub Nelson Barbour, to ang’o ma nomiyo Owadwa Russell owere kodgi? (7) Ang’o ma notimore Julai 1879 ma noyawo thuolo manyien mar menyo ler mar wach Nyasaye? (8) Bang’ mano, Jopuonjre Muma ma kwan-gi ne medore notiyo gi yore mage e lando wach maber? (9) Higini mang’eny kapok higa mar 1914 ochopo, ang’o ma Jopuonjre Muma ne geno ni dhi timore e higano? (10) Gin pek mage ma Jopuonjre Mumago nokadhoe bang’ tho mar Owadwa Russell? (11) Ang’o ma Jopuonjre Muma notimo bang’ ka nosegol Owadwa Rutherford gi owete mamoko e jela? (12) Ere kaka neno vidioni osekonyi ng’eyo riwruok mar oganda Jehova e yo matut moloyo? (13) Ere kaka vidioni osetego yiero misetimo mar dhi nyime lendo gi kinda kata obedo ni inyalo kadho e pek moko? (14) Ere kaka inyalo tiyo gi vidioni e konyo wedeni, jopuonjre mag Muma, kod jomamoko?
Mano kaka Jopuonjre Muma machon-go noketonwa ranyisi maber mar tiyo ne Nyasaye! Kata obedo ni ne gidak e piny motimo mudho, ne gitimo kinda e lando ler mar adiera ka gin gi chir. Mad waluwuru ranyisi margi kendo wadhi nyime ka ‘wawuotho ka nyithind ler.’—Efe. 5:8.