Kaka Wanyalo Lero ne Ji Gima Muma Puonjo e Wi Higa mar 1914

Ndiko jiwowa ni ‘wanyis malong’o geno ma wan go’ kata waler ne ji yiewa ka watimo kamano “gi muolo kod luoro Nyasaye.” (1 Pet. 3:15, 16) Kata kamano, samoro wayudo ka ok yot lero adiera moko matut mag Muma, kuom ranyisi, wanyalo yudo ka teknwa lero ne ng’ato gimomiyo wapuonjo ni Pinyruoth ne ochako locho e higa mar 1914. Sula ma wacho ni “Goyo Mbaka gi Wuon Ot​—Pinyruodh Nyasaye Nochako Locho Karang’o?” mayudore e Ohinga mar Jarito ma Oktoba gi Novemba, oseiki mondo okonywa e lero wachno. Gasede ariyogo wabiro tiyogo e tij lendo e dweche mag Oktoba gi Novemba. Sama isomo sulago, non ane gik ma inyalo puonjori kuom yo ma jalendo miluongo ni Cameron lendogo.

Ere kaka . . .

• pwoyo wuon ot ne omiyo oyudo wach moro ma giduto giyiego ma ne onyalo chakogo mbaka?​—Tich 17:22.

• ne onyiso bolruok sama ne olero ne wuon ot puonj ma oyiego?​—Tich 14:15.

Ang’o momiyo ne otimo maber kuom . . .

• nwoyo weche ma gisepuonjore kapok omedo wach moro manyien?

• penjo wuon ot kinde ka kinde kabe ne owinjo gima gipuonjore?

• lero mana weche matin e limbe ka limbe ma ne odhiye?​—Joh. 16:12.

Mano kaka wamor ni Jehova Japuonjwa Maduong’ osepuonjowa lero adiera matut mag Muma ne jogo ma nigi riyo mar ng’eyo Wach Nyasaye!​—Isa. 30:20.