Buk Manyien mar Timo Nonro

Jolendo tara gi tara e piny ngima osebedo ka timo nonro e bugewa ka gitiyo gi Watch Tower Publications Index mong’ere e yo machuok kaka indeks. Indeksno oting’o weche mathoth, omiyo oselose mana e dhok manok. Kata kamano, Buk Makonyo Joneno mag Jehova e Timo Nonro mong’ere e yo machuok kaka bug Timo Nonro, oselos e dhok maromo 170 kama. Buge monyis e iye gin mana ma ogo chakre higa mar 2000 ka dhi nyime. Joma osebedo ka yudo Watch Tower Publications Index e dhogi ok yud bug Timo Nonro molos kaka buk; gin giyude mana e Watchtower Library kod Watchtower​—ONLINE LIBRARY. Oyudore bende e jw.org e PDF. (Di kama ondik ni BUGE, kae to e bwoye idi BUGE & BROSUA.) Bug Timo Nonro olos mondo okonyowa e manyo dwoko mag penjo ma wan-go e wi Muma, gik ma chandowa wawegi, kendo e ikruok ne chokruoge mag kanyakla kod lamo mar joot.