Weche Mwanyalo Chako Wuoyogo gi Ji

Gima Wanyalo Wacho Sama Wagwelo Ji e Rapar

“Wagwelo ji duto e chokruok moro makende ma ibiro tim e piny mangima. Romono en mar paro tho Yesu Kristo kendo ibiro time tarik 3 e dwe mar April. Chieng’no, ji tara gi tara biro chokore kuonde mopogore opogore mondo giwinj twak malero kaka tho mar Yesu Kristo nyalo konyowa. Kalatasni nyiso sa kod kama ibiro timie chokruogno e alworawa ka.”

Ohinga mar Jarito Mach 1

“Wabiro paro tho mar Yesu Kristo tarik 3 e dwe mar April. Nitie jomoko e alworawa ma biro chokore tarigno mondo gipar tho mar Yesu, kata kamano, nitie jomoko ma ok kaw tho mar Yesu kaka gima duong’ e ngimagi. In to ineno nade? Be iparo ni tho mar Yesu kod chierne nyalo konyowa e yo moro amora? [Rit dwoko.] Winj ane kaka Wach Nyasaye dwoko penjono. [Som 1 Jo-Korintho 15:22, 26.] Gasedni nyiso gueth ma tho mar Yesu biro kelo ne dhano, ma en ni, dhano ok nochak tho kendo.”

Awake! March

“Kawuono walimo ji mondo wanyisgi gaset mar Amkeni! manyien. [Nyise nyim gasedno.] Ji nigi paro mopogore opogore e wi penjoni: ‘Be Nyasaye nitie?’ Ineno nade, gin ng’a gini ma nigi paro makare e wi kinde mabiro, joma oyie ni Nyasaye nitie, koso joma odagi wachno? [Rit dwoko.] Ne ane singo ma Nyasaye ochiwo ma miyo ji mang’eny bedo gi geno. [Som Zaburi 37:10, 11.] Gasedni nyiso weche ang’wen ma miyo ji onego onon kabe Nyasaye nitie adier.”