Kaka Wanyalo Medo Lony e Tij Lendo​—Manyo Joma Wanyalo Teronegiga Gasede

Gimomiyo Mano Dwarore: Nitie ji mang’eny ma ohero somo gasedewa to ok gihero ni wapuonjre kodgi Muma. Nyalo bedo ni en nikech gihero dindegi, kata nikech gineno ni gionge thuolo mar puonjore Muma. Kata kamano, nikech gihero somo gasedewa, ginyalo bedo gi siso mar ng’eyo Wach Nyasaye. (1 Pet. 2:2) Ginyalo romo gi wach moro e gasedewa ma mulo chunygi, kata gimoro nyalo timorenegi e ngimagi. Limogi kinde ka kinde e yo machuok nyalo miyo gibed thuolo kodwa, kendo mano nyalo konyowa ng’eyo gik ma gihero kata wach ma chandogi. Gikone, ginyalo yie puonjore Muma.