Luw Ondamo mag Kristo Machiegni

Yesu noketonwa ranyisi maber monego waluw, to moloyo sama wayudo tembe kata sand. (1Pe 2:21-23) Kata obedo ni ne ijare, ne ok ojero, kata mana e kinde ma noyudo chandruoge. (Mar 15:29-32) Ang’o ma nokonye nano? Noseng’ado ni obiro timo dwach Jehova. (Joh 6:38) Bende, noketo pache kuom “mor maduong’ ma ne oket e nyime.”—Hib 12:2.

Itimoga nang’o sama isandi nikech yie mari? Jokristo madier ok ‘chul richo kar richo.’ (Rum 12:14, 17) Ka wanano sama wayudo chandruok kaka Yesu nonano, wabedo mamor nikech mano miyo Nyasaye yie kodwa.—Mat 5:10-12; 1Pe 4:12-14.

NEURU VIDIO MA WIYIE WACHO NI NYING JEHOVA DUONG’ MOLOYO, KAE TO UDWOK PENJO MALUWOGI:

• Ere kaka Nyaminwa Pötzingera notiyo maber gi thuolo ma ne en-go ka en e jela?

• Gin chandruoge mage ma Owadwa gi Nyaminwa Pötzinger nonanoe kane gin e kembe misandoe ji?

• Ang’o ma nokonyogi nano?