Tang’ gi Obadho Mayudore e Yore mag Tudruok e Intanet

GIMOMIYO MANO DWARORE: Mana kaka gik tich mamoko, tiyo gi yore mag tudruok e intanet nyalo konyowa kata hinyowa. Jokristo moko oseng’ado ni ok gibi tiyo gi yore mag tudruok e intanet. Jokristo moko to tiyo gi yore mag tudruok e intanet mondo gitudre gi joodgi kod osiepegi. Kata kamano, Jachien to dwaro ni wati marach gi yore mag tudruok e intanet, to mano nyalo ketho timbe mabeyo ma wan-go kaachiel gi winjruok manie kindwa gi Jehova. Mana kaka Yesu, wanyalo tiyo gi puonj manie Muma e fwenyo gik ma nyalo hinyowa kendo temo mondo kik wadonj e obadhogo.—Luk 4:4, 8, 12.

OBADHO MONEGO WATANG’GO:

• Tiyo gi intanet e yo mokalo tong’. Tiyo gi thuolo mang’eny e yore mag tudruok e intanet nyalo mayowa thuolo ma onego watinego Jehova

  Puonj mag Muma: Ef 5:15, 16; Fil 1:10

• Ng’iyo gik ma ok owinjore. Ng’iyo piche ma ok owinjore nyalo miyo wachak bedo gi tim mar neno ponografi kata wadonj e tim terruok. Somo buge mondik gi joma ong’anyo ne Jehova nyalo chocho yiewa

  Puonj mag Muma: Mat 5:28; Fil 4:8

• Keto weche kata piche maok owinjore e intanet. Nikech chuny dhano otimo wuond, mano nyalo miyo ng’ato ochak keto weche kata piche maricho e intanet. To mano nyalo ketho winjruok ma ng’ato nigo gi Jehova, kata nyalo miyo yiene odog chien

  Puonj mag Muma: Rum 14:13; Ef 4:29

NEURU VIDIO MA WIYE WACHO NI TI MARIEK GI YORE MAG TUDRUOK E INTANET, KAE TO UNON KAKA UNYALO TANG’ GI OBADHO MALUWOGI: