Osiepeni ma Itudorigo e Intanet Gin Jomage?

Osiep en ng’at ma nigi tudruok machiegni gi ng’at machielo nikech hera kata luor manie kindgi. Kuom ranyisi, Jonathan gi Daudi nobedo osiepe mati mata bang’ ka Daudi nosenego Goliath. (1Sa 18:1) Ng’ato ka ng’ato ne nigi kido ma ne moro nyawadgi. Omiyo, mondo osiep obed motegno, joma dwaro bedo osiepe nyaka ng’ere maber. Ng’eyo ng’ato maber en gima kawo kinde malach kod kinda mang’eny. Kata kamano, e intanet ji nyalo bedo osiepe mapiyo ahinya. To nikech e intanet ji nyalo chano chon gik ma gibiro wacho kendo ginyalo chiko kaka gidwaro ni ji ong’egi, mano miyo bedonegi mayot pando kitgi. Omiyo, ber tang’ sama iyiero joma ibiro tudorigo kaka osiepeni e intanet. Sama ng’at mikiya okwayi ni odwaro mako kodi osiep e intanet, kik iyie. Jomoko oseyiero weyo tiyo gi yore mag tudruok gi ji e intanet nikech hinyurok ma nyalo betie. Kata kamano, ka iyiero tudori gi jomoko e intanet, gin weche mage monego ing’e?

NEURU VIDIO MA WIYE WACHO NI, TI MARIEK GI YORE MAG TUDRUOK E INTANET, KAE TO UDWOK PENJO MA LUWOGI:

• 

  En ang’o monego ing’e ka pok indiko weche kata keto pichni e intanet?

• 

  Ang’o momiyo onego iti gi rieko e yiero osiepe ma itudorigo e intanet?

• 

  Ang’o momiyo onego iket tong’ kuom thuolo ma itiyogo e weche mag tudruok gi ji e intanet?​—Ef 5:15, 16