‘Chiwo ma Wamiyo Jehova’

Ere kaka wanyalo golo ‘chiwo ne Jehova gi chunywa duto?’ (1We 29:5, 9, 14) Maluwogi gin yore ma wanyalo yiero gologo chiwo ma isirogo tij Joneno mag Jehova e alworawa kod e piny mangima.

CHIWO MIGOLO KITIYO GI WEBSAITWA KATA MIKETO E SANDUK:

• 

  SIRO TIJ PINY MANGIMA

  gero kendo siro tije mitimo e bad ofis kod ofise milokoe dhok

  skunde mag pinyruoth

  joma tiyone Nyasaye gi thuologi duto e yore makende

  konyo joma oyudo masira

  goyo buge, loso vidio, kod gik miketo e websait

• 

  SIRO TIJE MAG KANYAKLA

  garama mag kanyakla moriwo gik mitiyogo e rito Kingdom Hall mondo osik kaler kod loso kuonde mokethore matindo tindo

  oro singo (azimio) mag kanyakla e bad ofiswa mondo osirgo:

  • gero Kingdom Hall kod kuonde mitimoe chokruoge madongo e piny mangima

  • Chenro mar Chiwo Kony e Piny Mangima (Global Assistance Arrangement)

  • kod tije mamoko mitimo e piny mangima

CHOKRUOGE MADONGO KOD MAG ALWORA

Chiwo migolo e chokruoge madongo mag ndalo adek iorone ofis mondo osirgo tij piny mangima. To komachielo bende, igolo pesa kowuok kuom tij piny mangima mondo osirgo chokruoge mag ndalo adek, chokruoge makende kod chokruoge moriwo pinje.

Chiwo migolo e chokruoge mag alwora itiyogo e chulo kuonde ma watime chokruogego, iritogo ute mag alwora, kod tije mamoko motudore gi chokruogego. Ka nitie chiwo modong’ e chokruoge mag alwora, inyalo or chiwogo ne ofis mondo osirgo tij piny mangima.