Wagoyo ne Jehova Erokamano Nikech Herau

Kanyakla ma Thesalonika nonyiso ni ne gihero Jokristo wetegi kata obedo ni gin giwegi ne gin e chal matek. (2Th 1:3, 4) Jotich Jehova ma kindegi bende nyiso hera ma kamano ne riwruok mar owete e piny mangima. Sula ma wiye wacho ni “Kaka Itiyoga gi Chiwo ma Wagolo” ma iketoga e jw.org lero kaka chiwo ma usebedo ka ugolo osebedo ka konyo owete gi nyimine e kinde matekni. Wapwoyou ahinya nikech hera maru kod chuny ma un-go mar golo chiwo.

NEURU VIDIO MA WIYE WACHO NI, KINDE DUTO ‘WAGOYO NE NYASAYE EROKAMANO NIKECH UN,’ KAE TO UDWOK PENJO MA LUWOGI:

• Chiwo ma wagolo konyo e tije kaka mage?

• En yo mane maber ma wanyalo gologo chiwo mar pesa ma wakonyogo owete gi nyiminewa ma nigi chandruok?​—Som sula ma wiye wacho ni “Joma Nigi Mang’eny Pong’o Rem mag Joma Nigi Matin” ma nie jw.org