Kaka Wanyalo Medo Lony e Tij Lendo​—Ndiko Barupe Mabeyo

GIMOMIYO MANO DWARORE: Bug 1 Jo-Korintho en achiel kuom barupe 14 ma jaote Paulo nondiko mondo ojiwgo Jokristo wetene. Ndiko barua miyo jandiko thuolo mar yiero weche mowinjore otigo, kendo ng’at mondikne bende nyalo some nyadinwoya. Ndiko barupe en yo maber mar lendo ne wedewa kod osiepewa. Bende en yo maber mar lendo ne joma ok wanyal romogo wang’ gi wang’. Kuom ranyisi, ng’ato nyalo rwako wach to ok oyudrega dala. Nitie jomoko e alworawa modak e udi ma nigi jorit, moko nie mier molor rangeyegi, kata kuonde maboyo ma ok yot choponegi. Ang’o monego iket e paro sama indiko barua ne ng’at ma ok ing’eyo?

KAKA INYALO TIMO MANO:

• 

  Ndik gik ma dine iwachone ng’ato ka dine bed ni iwuoyo kode wang’ gi wang’. Nyise ni in ng’a, kendo iler gimomiyo indikone barua. Inyalo penje penjo moro kae to ijiwe mondo opar kuom penjono, kendo nyise kaka onyalo dhi e websaitwa. Kae to inyise chenro mar puonjruok Muma mayudore e Intanet (Online Bible Study Lessons), kaka wapuonjorega gi ji Muma, kata moko kuom sula mayudore e buge ma wapuonjorego gi ji Muma. Bende, inyalo soyone kad mar jw.org, kata kalatas ma wagwelogo ji e chokruogewa, kata trakt

• Ndik weche machuok. Kik indik barua mabor mamiyo ng’ato ol kapok otieko some.​—Ne barua motigo kaka ranyisi

• Som baruano duto kendo ine ni oler. Bende, ne ni oyot somo kendo kik iti gi weche mager, kata manyalo miyo ng’ato ochich kodi. Ket stamp moromo