Yud Tiegruok ma Nyasaye Chiwo

GIMOMIYO MANO DWARORE: Jehova ma en Japuonjwa Maduong’ ema chiwo tiegruok maberie moloyo. Opuonjowa kaka wanyalo dak maber sani kendo oikowa ne ngima maber mar kinde mabiro, to otimo mago duto ma onge gima wachulo. (Isa 11:6-9; 30:20, 21; Fwe 22:17) Tiegruok ma Jehova miyowa ema miyo wabedo joma olony e chiwo ote ma reso ngima ji.​—2Ko 3:5.

KAKA WANYALO TIMO MANO:

• Nyag kido mar bolruok kod muolo.​—Za 25:8, 9

• Kaw mapek tiegruok ma Jehova miyi gie sani. Kuom ranyisi, migepe miyudo e chokruok ma kor juma

• Par yore minyalo tiyonego Jehova e okang’ momedore, kendo ibed gi chenro mabiro konyi chopogi.​—Fil 3:13

• Tim duto minyalo mondo ibed moikore ne tiegruok momedore.​—Fil 3:8

NEURU VIDIO MA WIYE WACHO NI, TIEGRUOK MA JEHOVA CHIWO KONYOWA AHINYA, KAE TO UDWOK PENJO MALUWOGI:

• Gin pek mage ma owete gi nyimine moko ma nodhi e Skul mar Joland-Injili mar Pinyruoth ne nyagorego?

• Gin tiegruok kaka mage ma ichiwo e Skul mar Joland-Injili mar Pinyruoth?

• Ere kaka kanyakla osebedo ka konyo owete gi nyimine moa e Skul mar Joland-Injili mar Pinyruoth?

• Ang’o madwarore mondo ng’ato odhi e Skul mar Joland-Injili mar Pinyruoth? (kr 189)

• Gin tiegruok mage mamoko ma inyalo yudo e riwruok mar oganda Jehova?