Be Diher Dhi e Skul mar Joland-Injili mar Pinyruoth?

Be dibed ni hiki nie kind 23 kod 65 kendo itiyo ne Nyasaye gi thuoloni duto? Be dibed ni ok ituori ahinya, kendo iikori dhi lendo kamoro amoro ma jolendo dwarore ahinya? Ka ichiwo dwoko ni ee, be isega paro mar dhi e Skul mar Joland-Injili mar Pinyruoth? Nyaka ne chak skundno, ng’eny joma nie kend kaachiel gi owete gi nyimine ma ok nie ngima mar kend osepong’o fom mar dhi e skundno. Kata kamano, owete ma pok okendo e ma dwarore ahinya. Lem ka ikwayo Jehova mondo omedi gombo mar timo dwache kendo luwo ranyisi mar Wuode. (Za 40:8; Mat 20:28; Hib 10:7) Bang’ mano, inyalo timo lokruok moko e yoregi mag tich kod dijeni mondo ine ane ka inyalo pong’o fom.

Gin migepe mage ma joma osetieg e skundno nyalo yudo? Moko kuom joma osetieg e skundno imiyoga migawo mar dhi lendo kuonde ma iwachoe dhok mopogore gi ma giwacho, kata lendo e taonde madongo ma ji wachoe dhok mang’eny. Moko kuomgi iketoga mondo obed jorit-alwora kata jorit-alwora makonyo, to moko iketoga jomisonari. Sama waparo matut e wi yore mogopore opogore ma wanyalo tiyonego Jehova, onego wabed gi paro ma janabi Isaya ne nigo ka nowacho niya: “An ka! Ora!”​—Isa 6:8.

NEURU VIDIO MA WIYE WACHO NI, JOMISONARI TIYO TIJ KEYO GI KINDA, KAE TO UDWOK PENJO MA LUWOGI:

• 

  Ere kaka iyieroga jomisonari ma tiyo tij yalo?

• 

  En tich mane maber ma jomisonari ma tiyoga tij yalo timo?

• 

  Gin gueth mage ma jomisonari yudo?