“Ji Duto e Piny ne Wacho Dhok Achiel”

11:1-4, 6-9

E Babel, Jehova nokeyo dhano ma notamore winje kuom guenyo dhok ma ne giwacho. E kindewagi ochoko oganda mang’ongo moa e ogendni duto gi dhok duto kendo omiyogi “dhok maler” mondo “giduto giluong nying Jehova, kendo gitine ka gin gi winjruok.” (Zef 3:9; Fwe 7:9) ‘Dhok malerni’ en adiera e wi Jehova kod dwache kaka oler e Ndiko.

Puonjruok dhok manyien ok en aena mako weche mag dhokno e wiwa. Dwarore ni wapuonjre yo ma iwachogo dhokno. E yo machalo kamano, sama wapuonjore dhok maler mar adiera, pachwa lokore bedo manyien. (Rum 12:2) Nikech timo kamano en gima dhi nyime, mano miyo jo Nyasaye bedo gi winjruok e kindgi.​—1Ko 1:10.