MWANDU MA YUDORE E WACH NYASAYE | WUOK 6-7
“Koro Ibiro Neno Gima Abiro Timo ne Farao”
Ka ne pok Jehova okelo masiche e piny Misri kendo golo Jo-Israel e tuech, Jehova nonyiso Jo-Israel gima ne ochiegni timo. Ne gidhi neno kaka Jehova nyiso tekone e yore ma pok ne gineno nyaka nene kendo Jo-Misri ne dhi ng’eyo ni Jehova en Nyasaye ma chalo nade. Ka ne singo mag Nyasaye ochopo kare, Jo-Israel nomedo bedo gi yie motegno, to mano nokonyogi mondo gibed mabor gi dinde mag miriambo ma ne nitie Misri.
Ere kaka weche ma yudore e ndikogo tego yie mari ni gik ma Nyasaye osingo e wi kinde mabiro biro chopo kare?